Wenn du e churzi Pausa bruuchsch, öppis Feins möchtisch essa oder trinke, dine Chind bim Spiele zueluege oder eifach die tolli Ussicht gniesse bisch an eim vo üserne Kiosk genau richtig. Chum verbii, mier freuend üs uf dich!
Gnüssend feini knackigi Summersalat, verschiedeni Snacks und Grillade. Im Glacéhüsli gits frischi Filisurer Glacé. En wunderbare Ort, zum verwiele, im Heidsee z’bädele und de Kinder bim Spiele zuezluege. Mier hend ab em 9i offe, bis am 17 (je nach Sunnestand und Wetter).
Gnüssend en knuspriga Bergflada mit Bündnerfleisch oder Vegi, feini Quarkpizzokels, knackigi Summersalat, frisches Filisurer Glacé und no vieles meh. Herrlich in Valbella am See und wunderbar für en Gnusshalt während eme Spaziergang oder eifach für es Gläsli Wii oder en feine Apéro.
Offe ab de 9i bis 17 (je nach Wetter).
Am Kiosk gnüssisch iheimisch- der Kürbis für d’Suppa kunt vor Yvonne und am Noldi us Mon, Fleisch vom Vitellone Kalb und Bio Lamm direkt vom Puur Jan vom Salzgeberhof grad nebeddra, di beschta Würscht bring üüs der Tona vor Metzgerei Spiess, Trockafleisch macht der Jörg Brügger in Parpan, Glace und Rahm kömend us Filisur vom Peter Heinrich, Nussturta und Linzerturta bachend miar no selber und mit frischem Cake verwöhnt üüs d’Andrea- was will ma meh? Ah jo und d’Gerstasuppa wird immer frisch und sälber kocht.
Dr Kiosk Heimberg in Parpan bisch nur im winter offe.
Mit bündnerischa, regionala und lokala Produkt sorgend miar für gnussvolli Moment!
Dr Berggnuss Foodtrailer staht i dem Summer au am Heidsee (nur Hochsaison). Da findsch feini Bergflada, Früchtebecher, Frozen Joghurt und Getränk. Mier öffnend öppe am 11i.
