Willkomma uf der schöne Lenzerheid

Wenn du e churzi Pausa bruuchsch, öppis Feins möchtisch essa oder trinke, dine Chind bim Spiele zueluege oder eifach die tolli Ussicht gniesse bisch an eim vo üserne Kiosk genau richtig. Chum verbii, mier freuend üs uf dich!

Kiosk Lido Lenzerheid

Am Lido gnüssisch kalti und warmi Getränk, feini huusgmachti Suppe, kliini Snacks direkt am Heidsee und an der Langlaufloipe. Oder magsch es Raclette am offne Füür selber mache! En wunderbare Ort zum Verwiile und de Kinder bim Spiele zuazluaga. Im Dezember und Januar gits heissi Marroni und nachher in der Hochsaison und an de schöne Wuchenend feini Bratwürst vom Grill.


Während der Wintersaison isch der Kiosk Lido immer vom 10i bis am 17i offe. Mier freuend üs uf eu!

Kiosk Canols Valbella

Am Kiosk Canols gnüssisch feini Bergflada mit Alaska Lachs vom Heini Hemmi, gueti Quarkpizzokels, huusgmachti Suppe und vieles meh. Herrlich in Valbella am See und wunderbar für en Gnusshalt während em Spaziergang oder als perfekte Pausahalt bim Langlaufa. Bi schlechtem Wetter hemmer no es gmüetlichs Stübli für en wärmende Chai Tee oder Glüehwy. Mier hend für eu vom 9.30 bis am 17i offe. Übrigens macht der Chef Hampa d’Nusstorta selber, nach em Originalrezept vo der Bündner Büürin Petronilla. 

Kiosk Heimberg Parpan

Am Kiosk gnüssisch iheimisch- der Kürbis für d’Suppa kunt vor Yvonne und am Noldi us Mon, Fleisch vom Vitellone Kalb und Bio Lamm direkt vom Puur Jan vom Salzgeberhof grad nebeddra, di beschta Würscht bring üüs der Tona vor Metzgerei Spiess, Trockafleisch macht der Jörg Brügger in Parpan, Glace und Rahm kömend us Filisur vom Peter Heinrich, Nussturta und Linzerturta bachend miar no selber und mit frischem Cake verwöhnt üüs d’Andrea- was will ma meh? Ah jo und d’Gerstasuppa wird immer frisch und sälber kocht.

Foodtrailer

Mit bündnerischa, regionala und lokala Produkt sorgend miar für gnussvolli Moment!
 

Dr Berggnuss Foodtrailer staht i dem Summer au am Heidsee. Da findsch feini Bergflada, Früchtebecher, Frozen Joghurt und Getränk. Mier öffnend öppe am 11i.

 

Kontakt

Name *
Vorname *
Email*
Telefon
Dini Nachricht
Abschicke